Hovud - skulder -handledd - trykk, handledd, trykk ....(fritt omskrive)

Eg har ikkje vore aktiv siste tida på bloggen, men eg har lese og tenkt ein del. Eg jobbar framleis om lag på same måte som tidlegare på trening, men det har vorte litt mindre tid enn ønska. Løysinga må vere å trene fullt motivert, konsentrert og med klart mål og meining.

Eg har lese litt på følgande  :
http://www.pilkguns.com/anatoli.shtml

Eg har vidare studert ein del på ISSF sine youtubesider : http://www.youtube.com/user/issfchannel og sett på video av 50 m , 25 og 10 m pistol.

Kva har eg så lært ? Vel, fokus går meir og meir vekk frå kornet og siktebilete som aktivt punkt, og meir over på aktivt fokus på avtrekket. Tross mindre tid nytta , så vert resultata mykje betre enn på lenge. Det kan jo vere at eg er meir fokusert, men likevel trur eg fokusendringa er nyttig.

Kva som med hovud og skulder ?

På videoane har eg lagt merke korleis løftet vert utført. Ein del vel å ha eit rotasjonspunkt som nærast ligg i hofta som er skote fram. Dette medfører at hovud må gå bakover og mage og rygg må jobbe dyanamisk og ikkje statisk. I tillegg til å kontrollere rotasjon av skulder så må ein ha dynamisk kontroll på rygg og mage når ein skal stoppe. Ein ser det klart på hovudet, om det flyttar seg bak eller ikkje.
Dei som ikkje roterer i hofta, men som vel å ta ein såkalla powerstance, tek ut det meste av rotasjonen i skulderleddet. Hovudet er i ro det meste av tida. På raske serier, dvs duell og siluett , så nyttar dei fleste kun rotasjon i skulder. På rolege disipliner ser ein større mengder rotasjon i hofta på fleire.

Observasjonen gjev ikkje noko meir sikkert, dvs det er ikkje slik at dei som har eine typen alltid vinn over dei som vel den andre typen rotasjon. Kva så ????

Vel, eg har relativt lite oppmerksomheitsspenn. Eg har begrensa evne til å lære motorikk (er langt over gullalder for det) så eg må gjere det eg kan for å minimere variasjon. Når eg nyttar powerstance og tek ut all rotasjon i skulder, så er det mindre variablar. Vel eg større hofterotasjon, så får eg meir å kontrollere. I utgangpunktet skal jo kroppen ordne alt dette sjølv, men eg trur førebels at eg også her får vere medviten kva eg gjer.

Så fokus er altså for tida korrekt avtrekk, korrekt handledd og fokus på stilling. Så får vi sjå korleis dette vert.

Trondheim pistolklubb - kjekt at dei ville treffe meg :-)

Denne veka har eg vore på jobbkurs i Trondheim. Eg har dessverre ikkje kunne trene heime, men som vanleg var SP og LP med på turen. Måndag vart det bomtur, då eg trudde eg skulle få trene på luftbana. Dessverre var det ingen som møtte opp, eller så var eg på feil stad.

Tysdag vart eg møtte av Per Marum på Buran. Korrekt nok vart våpenkort sjekka saman med identitet, noko som verka betryggande. Eg trur vi skal innføre dette også hjå oss.

Så var det laus på duelltrening på elektroniske skiver. Ein skulle trene på etterhald ifølge opplegget dei hadde. Eg oppdaga då at dei fleste  (og eg sjekka med issf channel) vel å løfte rett før klar og så senke i dei første 7 sek. Dette må prøvast framover. I tillegg valde eg å stå litt smalare med beina enn vanleg. Dette gav mindre smerter i hø hæl som ofte lir litt under lange økter. Balansen verka ikkje å verte forstyrra.

Eg fekk svært gode resultat undervegs. På duell og raske serier var det lite tid til å tenke på trykk, her er det tydelegvis nok å fokusere på korn. Avtrekket kjem her av seg sjølv meir eller mindre. På rolege serier må eg nok enno fokusere på trykk, så eg trur eg skal halde fram på samme måte som tidlegare her.

Første dagen skaut vi ein serie på 60 skot i standardprogram, der ein skulle skyte 10 sek på alle seriene. Resultatet vart 515 totalt, det er ikkje verst med tanke på at alt gjekk fort :-)

Onsdag var deg også trening på samme måte. Her var det først presstrening, og av 40 skot var det kun 3 som ikkje var 9 eller 10. Faktisk var vel om lag 2/3 av desse skota 10, og dette må ein seie seg nøgd med førebels :-)

Det var nok ei god hjelp at klubben har ei god bane med god belysning over standplass slik at det er lett å fange opp kornet med ein gong våpenet kjem opp.

I tillegg har eg skaffa nokre skot med TopShot ammo. Denne er rimeleg og fungerer svært bra utan matefeil og utan for mykje skit i våpenet. Kan hende eg skal prøve denne ei stund.

Summen : fokus på korn, fokus på trykk , litt kortare beinavstand og lys på standplass. Oppmodar alle med våpen å ta kontakt med TPK for ein hyggeleg prat og fellestrening, men ta kontakt med dei på førehand pr mail.

2 ting på ein gong - kan såkalla menn klare det ??

Treningsprogrammet for hausten synte seg å vere for håpefullt. Det har dessverre vorte lite fysisk trening. Svært lange arbeidsdagar har stoppa dette.

Eg har likevel jobba svært planmessig på trening. Eg skyt press kvar 2 gong, og duell/hurtig kvar 2 gong. Det ser ut til å gje resultat, for samlingane vert betre. Eg ser også at fokus må vere meir og meir på avtrekk. Når fokus primært er på avtrekk oppnår eg gode resultat, betre enn når det er heilt umedvite. Scatt legg vel også opp til dette.

Treningane har vore svært gjevande, og det er jo kjekt å skyte når flugene vert færre. Igår, td, vart det først duell, så hurtig, og når eg gjekk fram var det ikkje mange 8 på 100 skot. Etter dette koseskyting med cz etter at ein hyggeleg kar troppa opp med 200 ferskladde 9 mm. Her var samlinga om lag i 7 i presskiva. Kvelden vart avslutta med LP10  med gode resultat. Det er kjekt å skyte.

Lenge sidan sist.

Eg har skifta jobb for ein periode, og dette har teke mykje av tida mi. Dessverre har eg nedprioritert bloggen. Eg har som skildra tidlegare lagt om treninga,, og prøver å bruke det eg har av tid på fysisk trening. Eit stort forfall skal justerast.

Skytinga går rimeleg greit, har hatt opptil fleire serier med 50 p på trening. Eg får ikkje trent så mykje med Scatt eller tørravtrekk som eg vil, men får skote kvar veke. Ei veke er det press og ei veke duell og hurtig. Alt på tid og framgangen kjem sakte.Det vert meir og meir klart at Scatt - gutta har rett, ein må ha fokus på avtrekk. For min del vert resultatet mykje betre då.

Det er noko som ikkje heilt stemmer på grepet på SP, då eg føler pistolen hoppar litt for mykje i hurtigserier. Kan hende eg har vorte så god at eg først no legg merke til det :-)

Siste dag NM. Opptur ny pers i VM-fin 549

Etter gårsdagens lærepenge var det attende på ny frisk. Eg stilte idag med mi faste rosa piquetskjorte i håp om at det spelte inn.Det er framleis ingen som mobbar væpna mann i rosa skjorte :-)

Litt meir analyse av gårsdagens katastrofe fekk fram at problemet delvis låg i lite fokus på korn, men mest på uryddige avtrekk. Idag var dette betre på plass. Eg jobba hardt med å fokusere på korn og hugse tryyyyyykk. Store delar av dagen fungerte dette bra. Nokre glipp undervegs, og ein godtkjend funk.feil i 3 serie duell forstyrra litt. Likevel enda eg på 549, ny pers med 9 poeng.Totalt 28 plass er absolutt godkjent.

Så , vegen framover :
- trene duell  og hurtig på tid på trening.
- pusteteknikk på duell må inn.
- trene press og 10 sek serie på tid med førebuing.
- meir fokus på mental trening, og avslapping. Jobbe med mentale delar.
- fysisk : uthald og styrke må på plass.

Meir detaljert plan får komme seinare.

NM Løvenskioldbanen. 2/3 ferdig. OPPTUR og nedtur.

Eg vil gje stor skryt til dei som har teke på seg å arrangere NM i år, flott arrangement. Eg trur ikkje nokon vert vonbråtne når eg trekk fram Lars Kanedal og Siri Vaggen Olsen som primus motor. Vi får håpe at dei ikkje går heilt lei og vert utbrende. Kjempejobb.

Så over til noko mindre viktig - skyting mi.

Igår var det hurtig fin. Eg ser på eigen hall of shame at eg ikkje har konkurrert i dette på mange månadar (9?) så forventninga var ikkje så stor. No skal det seiast at det meste av treninga siste tida har vore raske serier på press og duellskive med forsåvidt greit resultat. Eg oppdaga tidleg at 10 sek seriene gjekk greit og jamnt var eg ferdig på under 8 sek, så eg kunne slappe av på både 10 og 8 sek serier. På 6 sek var det litt meir roting, men faktisk greit nok. Konsentrasjonen slapp litt undervegs, så eg trur at totalt 3 serier var under pari. Resultatet enda på 546 p , 23 p opp på pers. Total nr 39. Ikkje dårleg, må seie meg nøgd med det.

Idag var det standard. Gode førebuingar, var ikkje sosial , god oppvarming, men når sant skal seiast var eg likevel ikkje mentalt med. Førebuingstida vart nytta godt, med puls og tremor. Prøveserien sat bra og eg var godt innskoten. Første serie enda på 41 p, med TO sju !!! Då gjekk lufta litt ut av meg. Tremor forsvann og eg samla meg. Dei neste seriane tom 20 sek gjekk bra. Då desse var ferdige hadde eg 364 , og potensialet for ein god omgang var definitivt der. SÅ skjedde det som vanlegvis skjer. Fokus gjekk frå korn og over på at eg kom til å skyte over 540, ønske om å havne oppe på lista. Første 10 sek gjekk som den måtte gå. Eg skaut faktisk ein 3 ######&&%¤%&&. Ein av dei neste serien gav 35 )(/)&//%/¤&%¤%¤&%¤. Kvar fokus var veit eg ikkje, mentalt var eg fråværande. Alt revna og totalt på dei siste 4 seriane kom eg så vidt over 150 p. Har ikkje skote så dårleg på 2 år. Lærdom - slutt å tenke. Fokus på korn. Passande at eg fekk denne lærdomen i fleisen idag. Så, om ikkje anna er motivasjon til å konkurrere på topp enno. Totalt enda eg på 520 p. Så tross total svikt på slutten var eg nesten på pers. Det seier litt om potensialet når eg skyt på mitt beste. Grr

Imorgon er det VM-fin. Går til dette med blanda kjensler, men får gjennomføre. Ta det som trening og erfaring før eg dreg heim og tenker på hausttrening. Her vert det samling på bånn.

Ny pers standardpistol 523 - framleis B-klassa 2014 HURRA

Onsdag var eg saman med skyttarkollega på tur til Førde då dei arrangerte standardpistolkonkurranse. Lang køyretur før konkurranse kl 18 på kvelden, men med hyggeleg lag og skytepreik så går tida fort.

Vel framme var ikkje konkurransen heilt etter boka , så tid til førebuing og oppvarming var så som så. Eg var likevel relativt lite sosial, og desto meir fokusert. Prøveskota var relativt greie og det var lite behov for å stille. Noko seiare stilte eg likevel ned eit knepp og eit til venstre.

På dei rolege seriane fekk eg som tidlegare litt puls, men på langt nær så kraftig som det plar være. I tillegg fekk eg liksom meir kontakt med kornet. Sjølv om eg ikkje skaut alle skot optimalt (det var vel ein sjuar i dei rolege seriane !!!) så vart det 178 på dei fire første. Noko som er godkjent.

20 sekund har vore eit av mine store problem, det har vore mykje rot og dårleg avtrekk. Eg har ikkje fått fokus på kornet i konkurranse og avtrekk har vore rotete. No var ikkje alt perfekt, men kontakten med kornet holdt seg. Roen var der og avtrekka var betre enn før. Framfor å kaste alle skota ut mot venstre i det kvite, så hold eg mot midten. 177 som total er ikkje så ille.

På 10 sek klarte eg å halde fokus, med gode resultat på dei første 2 serier. Så skjer det som ofte skjer når eg skyt godt. Ein slags arroganse og sjølvgodheit kjem inn. Då slepp konsentrasjonen og der satt kjapt eit skot i 6 og eit i 7 på 3 serie. På siste serie var ein ny 6. Totalt 168, men faktisk ok totalt.

Totalt 523, over grensa på B for neste år. Totalt sett betre kontroll, betre flyt, betre kontroll på avtrekk. Om eg hadde holdt fokus på dei siste 2 serier hadde nok eg maks nådd 530. Det er så god som eg er for augneblinken. Fram til NM vert det å jobbe med skatten heim (Scatt) og 10 sek serier på bana med tid og pust/avtrekk. Nye moment er noko som får vente. Etter NM vert det truleg litt forsiktig ferie. Etter NM får eg starte med basistrening på ny, dvs uthald og styrke saman med vidare teknikkterping.  Ellers får eg etterkvar gå over til hurtig fin og duell då dette førebels ikkje har vore trent særleg på

Eg får gle meg over at platået går sakte oppover for tida.

Scatt - ein hard trener ? Første erfaringar.

Då har eg fått nokre treningar med scatt trainer heime. I byrjinga sleit eg litt, men etter at eg sørga for å få litt avstand mellom meg og blinken kom det seg. Avstanden vart korrekt, og kalibreringa sit som eit skot. Eg må jukse litt med ståltråd for å feste på sensoren grunna storleiken framme på Pardinien, men det fungerer. Eg har snakka litt med Stenvaag, og han skal sjekke med leverandør om det finnast eit større band.

Så over til nytta, er dette eit brukande verkty? Så absolutt, men kan hende ikkje slik eg hadde tenkt meg. Eg brukte dei første øktene på å rote til alt. Dvs skyte, sjå kvar eg treff, irritere meg litt og gløyme det basale. Etterkvart har eg fått fokus vekk frå skjermen, og jobbar med serier på 5. Etter 5 skot kastar eg eit kort blikk på skjermen før eg går vidare med neste serie.

Etter avslutta trening set eg meg ned for å studere kva som hender. Eg ser at på det jamne har eg eit haldområdet siste 0,2 sek som er innanfor 9. På dei fleste avtrekk er det ikkje meir rørsle siste 0,2 sek enn ellers, noko som tyder på stabilt hald. På dei skota som går dårleg, er både haldområdet men spesielt dei siste 0,2 sek dårleg med mykje rørsle.

Erfaringa førebels er vel at eg må halde fram med trening av det basale - fysisk uthald og styrke. Vidare balanse, jobbe med tørravtrekk og fokus på både avtrekk og korn. Ved å bruke Scatt under tørrtrening får ein i ettertid tilbakemelding som viser kva ein skal jobbe vidare med.

Så førebels er eg ikkje i tvil om at dette er eit svært godt kjøp. Truleg vil eg kunne dra enno meir nytte av dette etterkvart, med meir kunnskap. Men kunnskap om at ein berre må halde fram med det basale er det viktigaste. Scatt fungerer meir som ein biofeedback, og eg ser klart at denne kuttar tida ein treng for å verte betre. Den gjev ein også meir data , slik at ein i større grad kan trekke konklusjonar, framfor i tillegg å freiste å samle inn data.

Eg er ikkje i tvil om at eg vil tilrå Scatt for alle som ønskar å verte betre, men også til klubbar der ein kan bruke Scatt eit par gongar pr mnd for datainnsamling om eige skytemønster.

Scatt trainer på plass.

Då var Scatt trainer wireless komen på plass. Etter mykje pes fekk eg endeleg systemet til å fungere. Fram til NM og konkurransar vert den kun nytta til trening, men analyse og endringar av skyting kjem seinare. Det einaste eg jobbar med no er litt meir fokus på avtrekk. Så er det jo ekstra moro med meir leikety. Det stod lenge mellom ein LP50 og denne, men eg trur at treningseffekten vert størst om eg brukar denne. Sjølv på raske serier.

Trykk eller sikt ?

Eg har lese ein del på Scatt sine sider, samt ein interessant diskusjon på Targettalk :

http://www.targettalk.org/viewtopic.php?t=39494&sid=4b10a7fdeef3134bf3410ed3a7c97f44

Bør ein fokusere på korrekt avtrekk eller kornet ? Som hannkjønn (vil vel ikkje påstå at eg MANN!) har ein i utgangspunktet begrensa evner til i heile tatt fokusere på noko. Så 2 ting på ein gong er vel umogleg. Spennande spørsmål, selvfølgeleg noko å rote med 1,5 mnd før NM :-(

Saaaakte fremover.....

Det vert ikkje skrive mykje for tida, men eg brukar desto meir tid på skyting. Eit par sanningar har dukka opp eller rettare sagt, eg gjenoppdaga kor viktige dei er :
- eg må trene fysisk uthald og styrke, utan dette klarer eg ikkje å fungere gjennom ein heil konkurranse.
- eg må trene og fokusere mentalt.
- eg må gjere treningssituasjonen lik konkurranse.
- eg må fokusere på kornet.

Ei utfordring den siste tida har vore at sjølv om dei langsomme seriene går bra, så dreg eg mange skot ut mot venstre når tempoet går opp. Eg fekk eit godt råd, faktisk å bruke nok tid på første skot, dei andre kjem automatisk om dette er på plass. Dersom du rotar for fort på første skot, så går resten den vegen høna sparkar.

Sjølve skotavviklinga går framover, og eg klarer stadig oftare å fokusere på kornet, og toppen av dette. Dette er klart og når luftmengda over toppen av kornet er rett, så går alle skot rette vegen. Det er godt å føle at alle skota går rett veg.

Vi hadde ein internkonkurranse i standardpistol, og med totalt 534 får eg seie meg nøgd. Utfordringane ligg i dei raske seriane, men eg meiner eg over har skildra vegen framover. Vonar det held fram til NM.

På trening i går fekk eg skote mange raske pres.seriar, og desse var greie. Etter dette vart det skyting med hurtig-fin, og mange serier med 10, 8 og 6 var stort sett på rett plass. Kun 14 klikk opp. Er konsentrasjonen på plass så går det bra, tenk om eg kunne hugse dette !!!!
Til slutt var det koseskyting med shadow. Merkeleg nok , når ein gjer jobben, og konsentrerer seg godt nok, så går også alle desse skota beint fram. Stort sett alle 40 skota gjekk i eit hol som 7-8 cm på 10 m. Eit par floger tel vi ikkje. Moro dette med skyting, og meir moro vert det når ein faktisk legg litt energi i arbeidet.

Bloggen er ikkje gløymt...

Eg har ikkje gløymt bloggen, men føler eg bør ha noko relativt fornuftig å skrive (ha, ha, ikkje noko tilbakemelding om at då hadde det ikkje vore noko blogg i det heile).

Den siste månaden har eg fått attende litt driv til å trene basis element. Lufttrening heime får eg gjennomført minst 1-2 gongar pr veke. Resultatet er betre og betre.

I alle fall eit par gongar pr veke får eg også trent mentalt. Det går både på siktebilete, men og på konsentrasjonsevne. Treninga er relativ konstant og viser framgang.

På skytebana er eg om lag ein gong pr veke. Då går det primært i raske serier, dvs 10 sekund eller kortare. Eg har dei siste gongane klipt vekk 8 ringen og inn. Med full konsentrasjon kan eg skyte opp mot 100 skot , og mindre enn fem skot går utanfor. Det er berre å halde opp treninga slik at eg også klarer å halde dette nivået i konkurranse. Det ser ut som eg skal kunne delta i NM, og då må eg få dette på plass. Det hadde vore greit å krype opp dei få poenga til gruppe B att.

Det er truleg ein viss skilnad på rolege serier og raske serier mop siktepunkt. Dersom eg treff i midten i rolege serier, så dreg eg litt mot venstre på raske serier. Skilnaden er mindre og mindre, men den er der. Eg trur at eg kjem til å trene med ein serie mot skive roleg, og deretter 2-3 raske serier på ei anna skive for å provosere fram denne skilnaden att.

Triggerorda vert litt endra. Eg har siste tida gått frå : grep - finger - stilling - korn og trykk til grep-stilling - pust - korn og trykk. Trykket er framleis for umedvite, noko det eigentleg bør vere, men eg har enno ikkje fått inn god nok kontroll. Etterkvart som det andre sig på plass, så bør eg vel gjere avtrekket medvite, får eg på ny gjer det automatisk på ein korrekt måte.

Så , grunntreninga held fram, det er ingen short-cuts.

Asosial - men det ser ut til å fungere.

Det har vore relativt lite aktivitet for meg siste tida. Jobb med mange vakter og oppgåver, ein del arbeid heime og ein kranglete rygg har avgrensa treningsmoglegheitene kraftig.

Dei få gangane eg har fått teke i eit våpen, LP10, Pardini el CZ, har likevel våre svært gjevande.

Eg har fokusert meir på kvalitet, dvs alltid prøve å skyte som konkurranse. Ingen skot skal vere vekkasta. Kvar einaste skot skal starte med grep - finger - stilling - korn og trykk. Aldri kaste vekk tid på anna.

Før eg skyt prøver eg å setje meg ned på ein stol, og fokusere. Undervegs skal alt vere maks, alltid fokus på oppgåvene.

Det fungerer , samlingane vert betre, flugene går nærare midten mm.

Resultatet er at eg vert noko asosial. Eg diskuterer gjerne før og etter skyting, men når eg skyt lar eg alle andre vere. Og streng sett må det vel gjere vere slik, ein kan vel ikkje diskutere med andre medan ein skyt ? Korleis kan ein då forvente maks konsentrasjon ?

Forøvrig fekk eg skyte både LP10 (mange i 10), Pardini (flotte raske serier) og CZ (på 4 ulike luftskiver på 12, 5 m - mange svarte) på siste trening. Kort og godt svært moro, og gode resultat.

Standardpistol Ørsta, ny pers 517 p, 3 poeng for lite

Det har vore lite aktivitet på bloggen siste tida, så eg seier meg lei for det.

Eg har trent så mykje som mogleg, men det har vore relativt lite tørrtrening og fysisk trening , dessverre.

På trening med krutt har vi fokusert på relativt raske serier, men vi har ikkje trent spesielt på faktisk tid. Når vi har trent på tid, har eg faktisk vist meg å nappe til . Så då veit eg kva eg har å trene på.

På det jamne skyte eg relativt greit men det er dessverre for lite konkurransetrening.

Før konkurransen fekk eg ein del problem med hurtigserier , då eg fekk kilingar. Skifta rekylfjær og brukte eley pistol under konkurransen . Fungerte betre det.

Konkurransen gjekk relativt greit, og eg klarte å kontrollere avtrekka i siste delen av konkurransen. Derfor gjekk det betre enn nokon gong. Men, eg må jobbe med raske avtrekk, og det vert på bana. Så får ein hugse at ein i platåfasen må jobbe tålmodig og stødig over tid får å få gradvis betre resultat.

Oppdal pistolklubb.

Kursverksemd gjer at eg må reise litt frå tid til anna. Denne veka er eg på kurs i Oppdal, og som vanleg dreg eg med meg litt "verkty". Denne gongen vart Pardini og Steyr reiserfølge.

Eg hadde på førehand kontakta klubben via mail og fekk raskt svar og velkomstmelding. 

Vel framme (måtte leite litt til eg kom over sidene til NM i spesialpistol /magnum)  var det rett inn i varmen. Ei hyggeleg bane med 6 elektroniske skiver, og eg vart tildelt bane nr 4 umiddelbart. På programmet var programskyting og NAIS . Som eg ikkje har skote sidan eg var på besøk i Oslo for snart 9 mnd sidan. Eg meiner å hugse at eg den gongen klart 276 eller noko slikt. 

Så , kjapt skru om sikte ned 15 knepp. Ein prøveserie og så var det i gang. På 150 sek gjekk det bra, ei fluge. På duell, vel , ikkje så verst. Det var litt uvant å skyte på så stor svart skive. Resultatet vart 270 som eg må seie var greit nok. 

Det slo meg at eg nok bør trene duell ein del, også mot kun svart ark for å trene opp fokus på fokus korn.

Etterpå vart det hyggeleg prat i klubbrommet. Mykje kunnskap, og mykje moro. Som alltid når ein vitjar ein pistolklubb, så er ein heime. Eg kjende meg som eit medlem som hadde vore der mange gongar før. Så , om eg nokon gong stikk innom Oppdal att, så skal eg innom. Må berre prøve å skaffe meg ein spesialpistol eller magnum (eller ein magnum spesialpistol) :-)

NM luftpistol Lånkehallen - ein erfaring

Når ein ser attende på eigne prestasjonar , er det alltid viktig å fokusere på det positive. Så det postitive idag er at eg har funne mange områder der eg kan verte betre.....

Vel, så svart var det vel ikkje, men det er den dårlegaste konkurransen eg har skote med luft - 524 poeng.

Eg kom tidleg på plass, fekk orientert meg og roa meg ned. Fekk i meg drikke og mat og var tidleg på plass før opprop. Brukte rikeleg med tid på klargjering, og skaut vel 13 prøveskot.

Konkurransen byrja greit, men eg var for rask. Triggerorda og rutinen var forsåvidt med, men eg var ikkje fokusert nok. Når eg byrja sende skot ut mot sju, burde eg ha stansa opp og teke pause. I staden peisa eg på, utan fokus på tid. Ukonsentrert og ufokusert er vel summen av konkurransen idag. Eg har skote mykje betre med samme pistol og samme løpsvekter, men med litt anna handgrep på beltet. Kan hende eg skal gå attende ?

Eg må gjere noko med løpsvektene, men det er klart at eg må halde fram med trening av uthald og styrke. Her er treningsgrunnlaget kort og godt for dårleg. Eg bør køyre hyppigare serier med 10 +60 skot luft for å trene uthald.

Ellers må eg prøve å få på plass litt meir mental trening, det er det som har fått minst plass i det siste.

Så var dagen komen.

Då sit eg på eit hotellrom i Trondheim og skal om ikkje lenge dra ut til Lånkehallen for å skaffe meg litt meir rutine. Idag er det NM luftpistol. Av ein eller annan uforståeleg grunn er eg ikkje med i seeda gruppe, forstå det den som kan :-)

Den siste tida har eg tenkt å skrive fleire innlegg, men har prioritert trening og andre ting. Eg har enno ein lang veg å gå. Eg har modifisert grepet på luftpistolen, men har enno eit stykke att. Eg har ikkje turt å gjere meir på dette no rett før NM, men her skal moddast vidare. Vidare må eg sjå litt på løpsvektene, trur det er litt for tung.

Ellers har triggerorda gått meir på plass, men eg må jobbe meir med dei. Meir rutine må på plass. Ellers må eg jobbe enno meir med fokus på kornet.

Uthaldsmessig går det sakte framover med treninga,men eg har mykje trening for styrke enno. Eg trener no jamnt med styrke i underarmar, skuldrar , men også overarmar - biceps og brachialis. Desse to siste er for svake hjå meg - litt begredeleg å sjå kor dårleg det står til, men det er jo berre å trene.

Luftpistolen har fått førstepri siste tida, av naturlege årsaker. Eg klarer enno ikkje å gjennomføre ein full konkurranse utan å verte sliten, og oscilleringane dei siste skota er alt for store. Men , fleire gongar ila 70 skot får eg det eg vil kalle det gode skotet. Du føler fullt fokus på kornet, som står heilt i ro. Avtrekket går utan rørsle i kornet og du berre kjenner at skotet går i 9 eller 10. Når eg er såpass trent at desse vert fleirtalet - dvs når eg vert rutinert nok, så skal vi sjå.

Idag skal eg berre prøve å gjere jobben på skytelinja, suge til eg erfaring og jobbe vidare. Eg får håpe på pers.

Sjølverkjenning, igjen..

Eg skulle gjerne har skrive at det å skyte litt dårlegare enn forventa berre er positivt, men det er no fortærande å skyte dårleg uansett. Ein vil jo alltid skyte betre enn tidlegare. Før eller seinare når eg vel 600 p, så ei må jo venne meg til platåfase :-)

Vel. Det er no slik at det har komme ein del positivt ut av alt dette.

Grepet på LP10 har fått gjennomgå. Eg har lagt på litt masse langs kanten av tommelrota, og fjerna litt mot handrota. No sit naturleg siktepunkt betre, og det kjennes betre i handa.

På ein klubbkveld ba eg nokon som skaut med begge hender forsøke å sejte først ein fot bak, og deretter bytte fot. Poenget var å legge merke til naturleg spenning og avslapping i kroppen. Sjølvsagt så er det minst spenning når foten på den same sida som den dominante armen står bak. Så , når eg sjølv står med venstre hand i beltet, så i lomma, kva oppdagar eg. Jo, faktisk så har eg mindre spenning og meir avslappa haldning i kroppen. Så no er handa i lomma.

Fokus. Etter å ha jobba meg gjennom siste konkurranse mentalt, så kom eg til å tenke på noko eg ikkje har fokusert på i det siste - kornet. Kan hende eg skal sjå på kornet når eg skyt ...... !!!!!

Løft . Her må eg verte meir konsekvent, og ALLTID hente inn kornet i dei siste 20 gradene. Aldri sjå på blink i raske serier. Merkeleg, dette er jo det første ein lærer.

Pusten, ja, kan hende vi skal faktisk puste korrekt igjen....

Så, på treningar har samlingane vore uforskamma bra etter at eg stramma meg opp. På ein god dag held eg utan større vanskar 7 ringen med shadow i 9 mm.

Åja, så held eg fram med uthaldstrening,styrke for armar og skuldre saman med klikktrening heime. Det har nesten falle ut dei siste 2 mnd.

Kan hende NM i luft ikkje berre vert katastrofe. Kan eg klare å yte opp mot pers ???

Motgang gjev framgang, håpar eg....

No har eg vore konkurranseskyttar i om lag 1 år. Framgangen siste året har vore stor , utan særlege tilbakesteg. Alle veit at slik kan det ikkje halde fram. Når ein tek til med ein ny aktivitet, trening eller idrett, så kjem ein etterkvart til ein platåfase. Det er når ein har henta ut det som er å hente frå å lære det grunnleggande, og faktisk må trene for å komme vidare.
Det er då ein må lære seg å vere audmjuk, fokusere på korrekt trening, og innan skyting jobbe med det mentale. Det er vel der eg er kommen no.

Igår var det stemne på Vestnes, standardpistol og luftpistol.

Standardpistol byrja bra, svært bra 150 sek serier, så relativt greie 20 sek serier. I første 10 sek serie revna det totalt. 25 poeng. 25 poeng. Truleg var eg overtent og ufokusert. Etter det vart det svært vanskeleg å samleg seg att, og resten var middelmådig. Totalen havna på 502 poeng. Så , jobbe mentalt, jobbe med oppgåver og mindre arrogant (mentalt, altså). Men det positive er , hadde eg gjennomført burde eg grusa eigen rekord.

Over på luft. Her var eg truleg ikkje komme meg på plass mentalt. Ufokusert og utan konsentrasjon. Resultatet vart 533 poeng. Greit nok , grunntreninga sit , men det er ikkje godt nok.

Knalltrening.....

Treninga sist onsdag var ei av dei beste på lenge. Eg jobbar jamnleg med styrke av underarmar og skuldre, saman med generelt uthald. Sånn sett er eg i ein periode med grunntrening. Det har vore litt mindre tørrtrening/ klikktrening enn eg skulle ønske.

Tross dette var siste trening svært bra. Eg køyrde seriar på 10 og 20 sek. Noko uvanleg for meg var fokus på kornet uvanleg godt, og eg var roleg. Skota gjekk svært godt til meg å vere, og faktisk var 20 sek serier godkjende. Dette har tidlegare vore eit av mine største problem.

Elles var det morroskyting med Selleri og Gullerot i CZ. Fantastisk moro, sjølv med skyting med ei hand går det beint fram i midten. Berre eg no venner meg til rekylen.....

CZ, NM og NM.

Då var ein ny CZ 75 Sp-01 Shadow 9x19 komen i hus. Fekk berre tak i 100 skot , dei gjekk fort. Så lenge skyttaren gjer jobben sin - så går våpenet hol i hol. Så var dette med skyttar då.

Fekk ein kiling på omladda ammo. Med litt hjelp frå erfaren kompis oppdaga vi at dette skuldast at kammeret er litt trongt og kort. Vi må jobbe litt med dette frammover.

Ellers er avgift til NM luft betalt, så får vi sjå.

Ferie til sommer er ordna, og plass er rydda for bane-NM...

Framgang er av og til vanskeleg å sjå

Eg er litt uviss på om det vert NM i luftpistol, men eg har lagt om treninga for å førebu meg i alle høve. Det meste av treninga er for tida presisjon og det går framover. Eg føler at eg eg klarer å automatisere balanse, stilling, grep, løft, avtrekk mm. Eg er likevel nokonlunde klar over kva eg gjer, og klarer delvis med hjelp å halde fokus på kva som kan verte betre.

Styrketrening for både underarmar og skuldre saman med generell uthald er noko eg prøver å legge inn. Med tanke på utgangspunktet skal det svært lite til før eg får framgang.

I slutten av månaden var planen å skyte standardpistol og luft 60 på Vestnes. I dag prøvde eg med dermed på 10 og 20 sek serier . Eg klarer ikkje i min beste fantasi å skjønne kvifor eg skyt 20 sek dårlegast. Mange 10 sek serier vart og skutt.

Kva framgang er det så som er vanskeleg å sjå ??? Vel, når eg skulle skyte 10 sek var det tydeleg at eg framleis glepp litt på konsentrasjon, her må eg gjere eit arbeid igjen. Men sjølv når eg er dårlegare konsentrert, så er samlingane framleis kring midten, ikkje til sides som tidlegare. Dei håplause skudda er sjeldan veldig kvite, så i forhold til tidlegare er jo dette framgang.

Eg får prøve å halde fokus på at det faktisk går framover, ikkje fokusere på kva at ikkje alle skot går i innerti.

Ellers jobbar eg litt forsiktig med grep på dei ulike våpen, men små små steg.